Kombëtarja Gjermane arriti të mbyllë me sukses fazën e kualifikueseve në këtë Botëror. Ekipi gjerman me një paraqitje mjaft madhëstore mundi të sigurojë kështu një rezultat fantastik në sfidën e fundit përballë Sllovakisë. Skuadra me serinë e gjashtë golave dhe duke mbajtur portën e pastër mundi të vulosë këtë fazë.
Julian Nagelsman në fund të ndeshjes, komentoi më tej dhe cështjen e portierit. Edhe pse deklarata e tij nuk u konsiderua si e duhura, duke mos qartësuar aspak situatën. Gara për të qenë titullar në portë duket se ka një të preferuar dhe është Oliver Bauman i Hofenhajm. Bauman I cili ishte pjesë e portës në gjashtë ndeshje kualifikuese mundi të sjellë një formë mjaft të mirë duke shërbyer kështu si një zgjedhje e duhur për kompeticionin.
Bauman morri dhe vlerësimet prej teknikut, duke e konsideruar si një lojtar mjaft të mirë dhe tepër puntor. Por, Nagelsman e la të hapur ende mundësinë e një ndryshimi. Cka nënkuptoi se portieri I Hofenhajm nuk ka një pozitë mjaft të sigurt në ekip. Porta shihet si një ndër repartet që kërkon më shumë siguri në kampion gjerman.
Neuer është cilësuar më herët se ka mundur të arrijë një marveshje për shërbimin e tij duke dakortësuar shërbimin dhe në këtë kompeticion. Por, e rëndësishme është në krahun tjetër dhe ter Stegen I Barcelonës I cili rikthehet këtë dimër për të kërkuar më tej një mundësi në portë. Lojtari ka si qëllim që në këtë pjesë të sezonit të mund të sjellë një formë më të mirë pas rikuperimit që të konsiderohet zgjedhja e duhur.