Real Madrid duket se është në kërkim të vazhdueshëm për një ndryshim në ekip. Lajmet se Carlo Ancelotti do ti thotë lamtumirë ekipit të Los Blancos, vijnë duke u përforcuar. Forma e tyre jo e mirë në Champions dhe rreziku i eleminimit në këtë fazë duket se e kanë vulosur këtë. Por, asnjë lajm i konfirmuar nga klubi madrilen i cili mesa duket kërkon që të shuajë pasiguritë në ekip.
Ancelotti rrezikon largimin e tij dhe kjo është pak por e sigurt. Tashmë ende nuk dihet se si do të jetë zvendësimi i tij. Cili prej trajnerëve do të jetë i gatshëm që të drejtojë klubin e La Ligës. Ishin, vetë mediat ato që nxitën afrimin e trajnerit spanjoll të Bayer Leverkusen. Xabi Alonso dukej se do të ishte zvendësimi ideal i legjendarit Ancelotti. Njëherësh edhe presidenti Perez e kishte mbështetur këtë lëvizje të mundshme.
Por, klubi spanjoll zgjedh që të qëndrojë shumë më diskret për këtë lëvizje. Ata supozojnë se e gjitha do të ndodhë në varësi të rezultateve. Pavarësisht, se Ancelotti ka një seri kërkesash për tu larguar. Tashmëz bëhet me dije se interesi i tyre është për ish trajnerin e Liverpool, Jurgen Klopp. Ekipi madrilen ka ndjekur nga afër disa bisedime në lidhje me mundësinë e kësaj lëvizje nga Klopp.
Klopp është larguar mga Liverpool në sezonin e shkuar duke marrë drejtimin e Red Bull. Ai shihet si i duhuri për shkak të karizmës së tij në fushën e lojës. Inovacioni dhe mentaliteti i lojës që ai krijon e bëjnë shumë më të favorshëm transferimin e tij.