Federata e Futbollit të Kosovës ka dalë me një reagim në lidhje me provokimin I cili është regjistruar në ndeshjen e cila është zhvilluar mes Lech Poznan dhe Crvena Zvezda. Sdia mes dy ekipeve ishte duke u zhvilluar në kuadër të kualifikimieve në Champions League. Lech Poznan ishte ekipi pritës në një sfidë e cila përfundoi me rezultat 3-1. Por, gjatë zhvillimit të kësaj ndeshje ajo që ra në sy ishte pikërisht një banderolë e cila kishte mbishkrimin “Kosova është Serbi”.
Ishin tifozët vendas të Lech Poznan të cilët e nxorën këtë banderolë të madhe gjatë minutave që ndeshja ishte duke u zhvilluar. Reagimi I FFK ka qenë I menjëhershëm në lidhje me këtë incident të regjistruar. Ata kënë kërkuar si nga Federata vendase që të mbajë një seri masash për ngjarjen e pahijshme. Po ashtu dhe në UEFA ku është vënë në dispozicion kërkesa e tyre për të reaguar në lidhje me këtë banderolë.
Është një veprim I cili bie në kundërshtim me organizimin e drejtë të lojës dhe për këtë fakt ka ndërhyrë dhe Federata e Futbollit të Kosovës. Ata e kanë cilësuar si një prej tyre që nuk do të duhet të përsëritet dhe që cënon unitetin e një shteti të pavarur. Veprime të tilla kanë qenë të shpeshta dhe ka qenë dhe UEFA e cila ka ndërmarrë hapat e saj konkretë duke sjellë dënime për të gjitha veprimet e pahijshme. Ndaj dhe në këtë veprim të ndërmarë nga tifozët është kërkuar që të ketë një ndëshkim dhe marrje masash për parandalim të këtyre gjesteve.