Kosova arrin një hap gjigand në histroinë e saj të futbollit, një sukses i padiskutueshëm është fitorja e tyre ndaj Islandës e cila i dha kështu dhe mundësinë që të kapërcejë një grup më tej duke u kualifikuar në Ligën B. Tashmë Liga e Kombeve është një histori suksesi për ekipin e vogël të kosovës, rrugëtim i cili nisi para shtatë vitesh tashmë mbart suksesin e një ekipi që ka treguar maksimumin për të qenë ai triunfues i padiksutueshëm. Një ekip i cili në formën e tij ka elementë të padiskutueshëm të futbollit europian që dëshmua dje se i përkasin një niveli futbolli ku mund të arrijnë më shumë në të ardhmen.
Por, suksesi padiskutim që mbart një emër të rëndësishëm, nuk ka diskutim që në thelb të saj qëndron një ndër trajnerët më vizionarë që kanë udhëhequr ekipin ai është Franco Foda. Gjermani është bashkuar me ekipin pas largimit te Primoz Glihas, një zgjedhje e cila morri kohë prej Federatës së Futbollit por që mund të cilësohet si e duhura.
Ecuria e tij në drejtimin e kombëtares vjen mes një suksesi prej tetë ndeshjes ndër të cilat gjashtë prej tyre janë fitore dhe dy humbje. Një prej humbjeve është ajo në tavolinë ndaj Rumanisë, një ndeshje e cila ishte totalisht e dominuar prej dardanëve por një vendim i tyre për të lënë lojën për shkak të thirjeve raciste i ndëshkoi me një humbje në tavolinë. Një humbje e cila nuk kushton aspak në përfundim pasi që ata kanë bërë hapin historik drejt kualifikimit në Ligën B.
Foda tashmë është i gatshëm për një hap historik në eleminatoret e Kupës së Botës 2026.