Kosova arriti që të përfundojë me sukses detyrën e saj, dardanët pritën në shtëpi Islandën në një sfidë e cila ishte e vlefshme për Ligën e Kombeve, të ndodhur në grupin B ata kërkojnë që të jenë të pozicionuar në këtë grup. Qëllimi I tyre nisi mirë me një fitore në shtëpi, kjo është në vazhdën e dy fitoreve të tjera në sezonin e kaluar nga ku dardanët shkojnë në të tretën ndeshje në shtëpi si të pathyeshëm.
Një lojë e cila pati pengesat e saj por me insistimin e tyre mundën që të shkëputeshin duke shënuar dy herë dhe pranuan vetëm një gol. Ishte kapiteni I kombëtares Rrahmani I cili me një asist të shërbyer për Dellovën mundi të kalojë shifrat në avantazh. Një gëzim I cili zgjati vetëm tre minuta për ekipin dardan duke qenë se kundërshtarët mundën që të barazonin shumë shpejt shifrat me një gol të Oskarsson në minutën e 22. Pjesa e parë u mbyll me një barazim mes dy ekipeve.
Dardanët insistuan më shumë në golin e tyre në rikthim, një pjesë e dytë e cila mundësoi shumë aksione për ta dhe në minutën e 58 me një gol të Rexhbecaj mund të kalonin shifart në avantazh. Loja e Kosovës nuk ishte më e mira, nga ku dhe vetë kapiteni në një deklaratë për shtypin pas ndeshjes e cilësoi se kishte një seri problemesh dhe gabimesh, por me konsistencë ata mund që të distancoheshin dhe të shënonin duke e sjellë ndeshjen në favor. Kosova do të udhëtojë drejt Spanjës për ndeshjen e radhës e cila do të jetë vendimtare për pozitën e tyre në sezonin e ardhshëm.